Қызыләуіт ауылындағы Жаңабай сопы мешітінің имамы Төсбаев Әбдіқали ағамыз құрбан айт мерекесіне орай ұлттық нақыштағы киімдерімізді киюді насихаттап, ұлттық құндылықтарды дәріптеуге бағытталған насихат айтып өтті.

Мешітіміздің имамы жамағатпен кездесуде құрбан айт мейрамы қарсаңында ұлттық нақыштағы киім киюдің маңыздылығына тоқталып, қазақы дәстүр мен ислам дінінің өзара сабақтастығы туралы кеңінен әңгіме өрбітті.

Имам өз сөзінде ата-бабадан келе жатқан салт-дәстүрлеріміздің тәрбиелік мәні зор екенін айтып, ұлттық киім – халқымыздың рухани болмысы мен мәдениетінің айнасы екенін жеткізді. Сондай-ақ, дін мен дәстүрдің бір-біріне қайшы келмейтінін, керісінше ұлттың бірлігі мен тәрбиесіне қызмет ететін құндылықтар екенін атап өтті.

"Қызыләуіт" мешітінің баспасөз қызметі.