«Көкқайнар» мешітінің имамы Темірлан Оразбаев ауылдық мектеп оқушыларымен кездесіп, «Діни наным-сенім және оның пайдасы мен зияны» тақырыбында насихат жүргізді.

Кездесу барысында жастарға дәстүрлі діннің маңызы, дұрыс діни бағытты ұстану, жат ағымдардың зияны мен рухани тәрбиенің қоғамдағы орны туралы түсіндірілді. Сонымен қатар, оқушыларды білім алуға, үлкенді құрметтеуге және ұлттық құндылықтарды сақтауға шақырды.

Жиын соңында оқушылар көкейлеріндегі сұрақтарын қойып, пайдалы мәліметтер алды.

Шу аудандық «Жәми» мешітінің баспасөз қызметі.