Шу ауданы «Жәми» мешітінде әйел-қыздар секторының ұйымдастыруымен Пайғамбарымыздың (с.ғ.с.) өмірінен сыр шертетін сира тақырыбында танымдық жарыс ұйымдастырылды.

Жарысқа қатысушылар пайғамбарымыздың өмір жолы, өнегесі мен хадистері бойынша білімдерін сынап, өзара бақ сынасты. Байқауға Қордай ауданынан арнайы келген ұстаздар қазылық етіп, қатысушылардың білім деңгейін әділ бағалады.

Жарыс қорытындысы бойынша үздік нәтиже көрсеткен шәкіртке қасиетті Умра сапарына жолдама табысталды. Бұл игі шара жастарды білімге, имандылыққа баулып, пайғамбарымыздың өнегелі өмірін үлгі етуге бағытталған маңызды рухани іс-шара болды.

Шу аудандық “Жәми” мешітінің баспасөз қызметі.