Шу ауданындағы «Кәрібай молда» мешітінде ұлыстың ұлы күні – Наурыз мерекесі ерекше сән-салтанатпен аталып өтіп, кең дастархан жайылды. Бұл игі шараны мешіттің әйел-қыздар секторының ұстазы Ғалия Байториева ұйымдастырды.

Мерекелік басқосуда жамағат шаттыққа бөленіп, бір-біріне ақжарма тілектерін арнады. Дастархан басында ұлттық тағамдар ұсынылып, Наурыздың терең мәні мен берекесі жайлы тағылымды әңгімелер айтылды.

Әйел-қыздар қауымы қазақы салт-дәстүрлерді дәріптеп, ұлттық құндылықтарды насихаттай отырып, мерекенің рухани мазмұнын айшықтай түсті. Ізгілік пен бірлікке үндеген бұл кеш жиналғандарға ерекше әсер сыйлап, көтеріңкі көңіл-күймен аяқталды.