Алла елшісі Мұхаммед (оған Алланың салауаты мен сәлемі болсын) былай деген: «Сендердің ең жақсыларың – Құранды үйренген және басқаларға үйреткендерің».

Тағы бір хадисінде: «Адамдар Алланың үйлерінің біріне жиналып, Алланың кітабын оқыса және бәрі бірге үйренсе, оларға жүректеріне тыныштық түседі, оларды мейірім қаптап, жан-жағынан періштелер қоршап алады және Алла Тағала оларды періштелердің ішінде еске алады». Осы хадистерге амал етіп, Қордай ауданы бойынша ұл балалар арасында аудандық мешіттердің қатысуымен «Құран жарысы» өткізілді. Іс-шара ақсақалдардың батасы мен аудан бас имамының сөзімен басталды. Жарыс 1 пара және 0.5 пара бойынша өтті, жалпы 23 бала қатысқан.

1 пара бойынша жеңімпаздар:

1-орын – Тоқтар Имағали

2-орын – Сейтмұхаммед Хамза

3-орын – Берік Ескендір

0.5 пара бойынша жеңімпаздар:

1-орын – Наурызбай Төрехан

2-орын – Сұлтанқұл Әлижан

3-орын – Бейсенбай Абдурахман

4-орын – Сайлаубай Мұхаммад

Қатысушыларға алғыс хаттар мен сыйлықтар табысталды.

Аудандық «Қордай» мешіті баспасөз қызметі