«Жиенбет Жексенбай» мешітінің имамы Шүкірәлі Бердібеков қасиетті Рамазан айында жоғары сынып оқушыларының өтінішімен «Рамазан – жақсылық айы» тақырыбында семинар-ашық кездесу өткізді. Сонымен қатар, жастарға арналған пәтуа сағатын жүргізді.

Кездесу барысында оразаның мәні тек діни парыз ретінде ғана емес, рухани тәрбие мен өзін-өзі шыңдаудың мектебі екені кеңінен түсіндірілді. Жастардың білімге деген ынта-жігері мен жауапкершілігі олардың шынайы құндылықтарға бет бұрғанының көрінісі екені атап өтілді.

Семинарда қоғамдағы өзекті мәселелер – нашақорлық пен цифрлық тәуелділік тақырыптары қозғалып, олардың жас ұрпаққа тигізер зияны жан-жақты талқыланды. Еркін форматта өткен кездесуде оқушылар ашық пікір алмасып, көкейдегі сұрақтарына жауап алды.

Іс-шараның басты мақсаты – жастардың ел болашағы екенін сезіндіру. Кездесу соңында имам өскелең ұрпақты отаншылдыққа, ізгілік пен жауапкершілікке шақырып, діни-ағартушылық басылымдарды сыйға тартты.

Шу аудандық «Жәми» мешітінің баспасөз қызметі.