Жамбыл облысы Байзақ ауданы Бурыл ауылы "Шолпан Дәуіт" мешітінде аудан бас имамы Қанат Әділханұлы бас имам сағатын өткізіп «Рамазан – рухани кемелдену айы» тақырыбында насихат айтты.

Қанат Әділханұлы насихатында: «Рамазан – адам баласының рухани кемелденуіне бастайтын қасиетті ай. Бұл айда нәпсіні тыйып, сабыр мен шүкірді арттыру арқылы жүрек тазарып, иман нығаяды. Ораза тек аш қалу емес, ол — ойды, тілді және мінезді тәрбиелеу мектебі. Қасиетті Құран түскен бұл айда жасалған әрбір игі амалдың сауабы еселеніп, пенде өзін-өзі танып, Жаратушыға жақындай түседі. Рамазан адамды мейірімге, кешірімге және рухани биік дәрежеге жетелейтін ерекше мүмкіндік.» - деді.

Шара соңында бас имам Рамазан айына қатысты жамағаттың қойған сұрағына жауап берді.