Қасиетті Рамазан айына орай Түрксиб мешіті бастамасымен қайырымдылық челленджі қолға алынды. Игі шара аясында күн сайын бір отбасыға азық - түлік себеті таратылып , мұқтаж жандарға қолдау көрсетілмек.

   Челлендждің басты мақсаты - сауапты айда қайырымдылық жасап, көпшілікті ізгі амалдарға үндеп, бірлік пен жанашырлықты арттыру. Ұйымдастырушылар жамағатты және барша тұрғындарды игі іске атсалысуға шақырады.

   Рамазан -  мейірім мен кешірім айы. Осындай игі бастамалар қоғамдағы қамқорлық пен татулықты нығайта түсері анық.