Тараз қаласындағы Әділ мешіті жамағаты мешіттің наиб имамы Даулетханға алғыс айтып , құрмет көрсетті. Жамағат оның дін жолындағы табанды қызметін, жұртшылықпен етене араласып, әрдайым ақыл - кеңесін аямайтынын ерекше атап өтті.

   Имамның мазмұнды уағыздары мен тағылымды насихаттары көпшілікке рухани серпін беріп, бірлік пен татулықты нығайтуға өз үлесін қосып келеді. Әсіресе жастар тәрбиесіне көңіл бөліп, имандылыққа үндеп жүрген еңбегі жамағат тарапынан жоғары бағаланды.

   Жиын соңында елдің тыныштығы мен берекесі үшін дұға жасалып, наиб имамға алдағы қызметіне сәттілік тілектер айтылды.