Тараз қаласындағы Иса - Ахмет ата мешіті ұйымдастыруымен қайырымдылық шарасы өтті. Игі іс аясында 10 отбасыға жалпы құны 200 000 теңгені құрайтын азық - түлік себеттері табысталды.

   Қасиетті Құранда: «Жақсылық қылғандарыңды Алла біледі» («Бақара» сүресі, 197 – аят) деп айтылған. Сондай -  ақ, «Сендер жақсы көрген нәрселеріңді жұмсамайынша, игілікке жете алмайсыңдар» («Әли Имран» сүресі, 92 – аят ) деген аяттар мұсылман қауымын қайырымдылыққа үндейді.

   Шараның мақсаты - мұқтаж жандарға қолдау көрсету, қоғамда мейірім мен жанашырлықты арттыру. Осындай сауапты істер арқылы бірлік пен бауырмалдық нығая түседі.

   Іс - шара соңында елдің тыныштығы мен берекесі үшін дұға жасалып, қайырымдылыққа үлес қосқан азаматтарға алғыс білдірілді.