Жамбыл облысы, Тараз қаласындағы «Кеңесхан қажы» мешітінде қасиетті ай қарсаңында Рамазанға дайындық мақсатында арнайы марафон ұйымдастырылды. Рухани шараға 50-ге жуық әйел-қыздар қатысып, намаз оқудың тәртібін үйреніп, оразаға қатысты маңызды мәліметтермен танысты.

Марафонның негізгі мақсаты – жамағатқа Рамазан айын пайдалы, саналы әрі сауапты өткізуге бағыт-бағдар беру. Қатысушылар құлшылықтың мән-маңызын терең түсініп, практикалық тұрғыда білімдерін жетілдірді.

Іс-шара барысында әйел жамағаты өздерін толғандырған сауалдарға жауап алып, өзара қолдау көрсетіп, ынтымақ пен бірліктің жарқын үлгісін көрсетті. Мұндай басқосулар рухани серпіліс сыйлап, қасиетті айға дайындықты күшейте түседі.

Алла Тағала алған ілімдерімізді пайдалы етіп, Рамазан айын берекелі де қабыл болған құлшылықпен өткізуді нәсіп етсін.