Тараз қаласындағы «Әзірет Әлі» мешітінде жамағат игілігіне арналған құдық уақып етілді. Аталған игі істің ерекшелігі – құдыққа арнайы мотор орнатылып, су мешіттің дәрет алатын орнына тікелей жеткізілетін мүмкіндік жасалды. Бұл жамағаттың дәрет алуына қолайлы жағдай туғызып, мешіттің тұрмыстық қажеттілігін жеңілдетуге сеп болды.

Сауапты іске мұрындық болған жомарт азаматтарға мешіт ұжымы ризашылығын білдіріп, уақыптың қоғам игілігі үшін жасалатын қайырлы амал екені атап өтілді. Мұндай игі бастамалар жамағатты сауапты іске ұйыстырып, көпшілікке пайдасын тигізетін тұрақты сауап көзі болып қала беретіні айтылды.

«Һибатулла Тарази» мешітінің баспасөз қызметі