Тараз қаласындағы «Әбу Бәкір Ас-Сыддық» мешітінің әйел-қыздар секторының ұйымдастыруымен «1 айда – 1 кітап» жобасы аясында шәкірттер арасында байқау өтті. Сайыс «Тастамашы ана» атты кітап бойынша ұйымдастырылып, қатысушылардың рухани танымын арттыруға бағытталды.

Байқау барысында шәкірттер оқыған кітаптары бойынша білімдерін ортаға салып, белсенділік танытты. Нәтижесінде үздік деп танылған қатысушыларға қаржылай сыйлықтар мен марапаттау қағаздары табысталды.

Аталған шара шәкірттердің кітап оқуға деген қызығушылығын арттырып, рухани дамуына оң әсерін тигізді.

«Әулие ата» мешітінің баспасөз қызметі