Ислам және адал қоғам жылы аясында ауыл тұрғындары үшін тағылымды кездесу өтті. “Көкқайнар” мешітінің имамы Темірлан Оразбаев ауылдық мәдениет үйінде арнайы дәріс жүргізіп, жиналған қауымға рухани бағыт-бағдар берді.

Дәріс барысында имам ислам дінінің қоғамдағы маңызы, оның адам өміріндегі орны мен ұстанымдары туралы кеңінен сөз қозғады. Сондай-ақ, ислам мен ұлттық дәстүрдің сабақтастығы, ата-бабадан келе жатқан салт-сананың діндегі мәні жан-жақты түсіндірілді.

Мазмұнды дәріс ауыл тұрғындары тарапынан үлкен қызығушылық тудырып, қатысушылар көкейдегі сұрақтарына жауап алып, дін маманына алғыстарын білдірді.

Шу аудандық «Жәми» мешітінің баспасөз қызметі.