Мойынқұм ауданына қарасты Бірлік ауылдық «Бірлік»  мешітінде жамағатқа арналған «Ихсан» тақырыбында уағыз айтылды. Уағыз барысында ихсан ұғымының мәні мен оның мұсылман өміріндегі орны кеңінен түсіндірілді.

Мешіт имамы ихсан – әрбір істі шынайылықпен, адал ниетпен және Алланы көріп тұрғандай орындау екенін атап өтті. Сондай-ақ, қоғамда ізгілік, сабыр, жауапкершілік пен адамгершілік қасиеттерді нығайтудың маңыздылығына тоқталды.

Шараға жиналған ауыл тұрғындары рухани азық алып, уағыздың тәрбиелік мәні жоғары болғанын атап өтті. Мұндай діни-танымдық кездесулер ел ішінде имандылықты арттырып, бірлікті бекемдей түсетіні айтылды.

Мойынқұм аудандық “Мойынқұм” мешітінің баспасөз қызметі.