Абай хәкім: «Адамның адамшылығы – ақыл, ғылым, жақсы ата, жақсы ана, жақсы құрбы, жақсы ұстаздан болады», – деп айтқанындай, адам бойындағы адамгершілік қасиеттердің қалыптасуында оны тәрбиелеген ұстаздың орны айрықша.

Осы орайда Қордай ауданында «Нұр-Мүбарак» Египет ислам мәдениеті университетінің ұстазы Ризабек Батталұлына құрмет көрсетілді. Аудан әкімінің орынбасары Дамира Маратқызы мен ішкі саясат бөлімінің басшысы Қабылтай Танат қадірлі қонақты жылы жүзбен қарсы алып, «Ауданымызға қош келдіңіз!» деген ізгі лебіздерін білдірді.

Кездесу барысында ұстаз еңбегінің қоғамдағы орны, жастар тәрбиесіндегі рөлі және діни ағартушылық бағыттағы жұмыстар жайында пікір алмасу өтті.

Аудандық «Қордай» мешітінің баспасөз қызметі