Айша анамыз (Алла оған разы болсын) Пайғамбарымыздың (оған Алланың салауаты мен сәлемі болсын) өзгелерге деген жанашырлығы жайында: «Алла Елшісі өмірінің соңына дейін үш күн қатарынан тойып тамақ жеген емес. Қаласақ, тойып жеуге мүмкіндігіміз бар еді.

Алайда біз өзгенің қажетін өзімізден артық қоятын едік», – деп өсиет қалдырған. Осы ұлы сүннетті үлгі еткен игі іс Қордай ауданы, Әлжан ана ауылының «Құдайберген» мешітінде жалғасын тапты. Мешіт имамы Саламат Салімұлының ұйымдастыруымен ауылдың учаскелік инспекторымен, сондай-ақ ауыл жастары қоғамының белсенділерімен бірлесе отырып қайырымдылық шарасы өткізілді.

Шара барысында бес отбасыға азық-түлік қоржыны, сондай-ақ денсаулығы шектеулі екі баласы бар екі отбасыға ойыншықтар мен қаржылай көмек көрсетілді. Бұл – қоғамдағы мейірімділік пен жанашырлықты арттыра түскен тағылымды іс болды. Осындай ізгі амалдар көп болғай. Алланың жәрдемімен жақсылық пен береке орнай берсін!

Аудандық «Қордай» мешіті баспасөз қызметі