Айдарлы ауылындағы «Кеңес» мешітінде имам Бақытбек Елеубаевтың жүргізуімен пәтуа сағаты ұйымдастырылды. Кездесу барысында жануарларды кастрациялау мәселесі шариғат тұрғысынан түсіндірілді.

Имам бұл тақырыпта исламда жан-жануарға мейіріммен қарау, зиян келтірмеу қағидалары басты орын алатынын айтып, қажеттілік пен пайда жағдайында рұқсат етілетін тұстары жөнінде нақты дәлелдер келтірді.

Байқағанымыздай, Ислам тек адам баласының ғана емес, жан-жануарлардың да ақысын аяқасты еткізбей, қамқорлығына алған. Пайғамбарымыз (с.ғ.с.): «Таң намазына шақырған əтешті сөкпеңдер, тілдемеңдер» деп, намазға себепкер əрбір нəрсені қымбатқа бағалайтынын білдірген. Сондай-ақ әрбір істің жауапкершілікпен, қинаусыз және ізгі ниетпен атқарылуы керектігін атап өтті.

Пәтуа сағаты жамағаттың сұрақ-жауаптарымен жалғасып, күнделікті тұрмыста кездесетін мәселелерге нақты бағыт-бағдар берді.

Мойынқұм аудандық «Мойынқұм» мешітінің баспасөз қызметі.