Жамбыл  ауданы, Айша бибі ауылы, "Айша бибі" мешітінің имамы Қатарбай Таджибаев ауылдық мәдениет үйінде ауыл тұрғындарына  "Дінім - діңгегім,  дәстүрім - қасиетім" тақырыбында үгіт- насихат жұмыстарын жүргізді.

Қазақ халқының ұлттық салт-санасы мен әдет-ғұрыптары Ислам дінімен тығыз байланысты. Дін мен ділдің, салт-сана мен шариғи ғұрыптардың өзара астасуы елдің бірлікте, ынтымақта өмір сүруіне негіз қалайды. Сондай-ақ, Ислам діні ұлтымыздың бітім-болмысы мен мәдениетінде дәстүрлері мен әдет-ғұрыптарында өзіндік із қалдырған.

Халқымыздың тұрмыс-тіршілігінде сақталған діни дәстүрлер: сүндеттеу, неке қию, Құрбан айт пен Ораза айт, жарапазан, садақа, пітір таратып, бата беру, тәуіптік емдеу әдісі, тасаттық жасау діни жоралғылардың өміршеңдігін көрсетеді. Сондай-ақ мазарлар мен кесенелер, мешіттер мен медреселер халқымыздың тарихында ұлт руханиятының асылқазынасы ретінде қызмет атқарды.

Жамбыл аудандық орталық мешітінің баспасөз қызметі