Жамбыл ауданы, Айша бибі ауылы, "Айша бибі" мешітінің имамы Қатарбай Таджибаев ауылдық спорт кешенінің ұжымымен кездесіп "Денсаулық - зор байлық"  тақырыбында сөз сөйледі. Адамзат өмірге келген соң өмірін қалай болса солай өткізбеуі тиіс. Яғни адам саналы да жарқын өмір сүруі қажет. Ол үшін ең алдымен ата-бабамыз айтып кеткендей: "Бірінші байлық – денсаулық.

Екінші байлық – ақ жаулық. Үшінші байлық – он саулық" демекші, ең алдымен саналы да жарқын өмір сүру үшін денсаулық қажет. Ал сол денсаулықты сақтау – өз қолымызда, яғни өз еншімізде. Қазіргі таңда аурулардың түрі көбейіп барады. "Тірі адам түбінде бір ауырмай тұрмайды” деп данышпан Баласағұнидің айтқан сөзі рас сияқты. Өйткені, әрбір адам басында өзіне белгілі бір аурулары бар. Бірақ біз сол аурулардың шарықтауына жол бермей оған төтеп беруіміз қажет. 

Жамбыл аудандық орталық мешітінің баспасөз қызметі