Ауылдың экологиялық ахуалын жақсарту және көгалдандыру жұмыстарын күшейту мақсатында «Жарас ата» мешітінің имамы Коктал Мадияр бастаған мешіт  ұжымы мен жамағаты  ауыл әкімшілігімен бірлесе отырып, қоршаған ортаға пайдалы бастама жасады. Бірлескен игі шара аясында 23 түп шырша ағашы отырғызылып, ауылдың көркіне көрік қосудың кезекті қадамы жүзеге асты.

Шараға мешіт қызметкерлері, ауыл әкімдігі қызметкерлері, ерікті жастар мен жамағат өкілдері белсене қатысып, көшеттерді отырғызу барысында ұйымшылдық пен жауапкершілік танытты. Табиғатты аялау, жасыл желекті көбейту – әрбір азаматтың ортақ міндеті екені айтылды.

Жиын соңында қатысушыларға алғыс айтылып, көгалдандыру жұмыстары алдағы уақытта да жалғасын табатыны атап өтілді.

Меркі аудандық «Меркі ата» мешітінің баспасөз қызметі