Жамбыл облысы Байзақ ауданы Аққия ауылдық «Аққия» мешітінің жанынан салынған асхана халық игілігіне есігін айқара ашты. Ашылу салтанатына ҚМДБ-ның Жамбыл облысы Байзақ ауданының бас имамы Қанат Әділханұлы және ауыл ақсақалдары мен тұрғындары қатысты. Ғимараттың лентасын "бисмилләһ" деп аудан бас имамы мен ауыл қариясы қиды.

Мешіт асханасында тұрғындарға құдайы тамақ, ас, ауызашар беру, хатым бағыштау, Құран оқыту, ет тарату сынды шараларды өткізуге болады. Жамағаттың аталған ғұрыптарды орындау барысында мешіт имамдарымен бірге, ресми ғимаратта болғаны кез келген істі шариғат талаптарына сай өткізуге мүмкіндік береді.