Мешіт – дүние істерімен емес, Алланы ұлықтап, зікір айтып, құлшылық етуге арналған қасиетті орын.

Оның ұлылығы мен маңыздылығын жер бетінде алғаш тұрғызылған үйдің дәл осы – мешіт болуы да айқындайды. Жамбыл облысы, Қордай ауданының бас имамы Егізбаев Әлмұханбет Шарбақты ауылындағы «Дүйсенбі халфи» мешітінде жүріп жатқан жөндеу жұмыстарымен танысты.

Бас имам ауыл әкімі Ерсерік мырзамен бірге мешіттің ішкі-сыртқы жұмыстарын аралап көріп, жасалып жатқан істерге оң бағасын берді. Ел игілігі үшін қолға алынған жөндеу жұмыстары қарқынды түрде жүргізілуде. Алланың үйлері көркейіп, баршамыздың садақаларымыз қабыл болсын!

Аудандық «Қордай» мешітінің баспасөз қызметі