Жаңа жол ауылындағы «Күнту баба» мешітінде әйелдер мен қыз-келіншектерге арналған «Бүгінгі келін, ертеңгі ене» атты тағылымдық семинар ұйымдастырылды. Шара барысында ұлттық құндылықтарды дәріптеу, отбасылық сыйластық пен тәрбие мәселелері кеңінен сөз болды.

Жиынға ауылдың ақжаулықты аналары мен әжелері қатысып, өзара пікір алмасып, тәлімдік кеңестер тыңдады. Іс-шара құрметіне бір бас қой сойылып, дастархан жайылып, астан дәм татты.

Бұл семинар көпшіліктің жоғары бағасына ие болып, ауылдағы тәрбиелік жұмыстың маңызын тағы бір мәрте айқындады.

Шу аудандық «Жәми» мешітінің баспасөз қызметі.