Байзақ аудандық «Байзақ баба» мешітінде өткен рухани кездесу барысында Қанат Әділханұлы апа-қарындастарымызға ҚМДБ-ның 2025 жылғы қызметінің басты төрт бағыты бойынша ақпарат бере отырып: «ҚМДБ төрағасы, Бас мүфтиіміз Наурызбай қажы Тағанұлының игі бастамасына сәйкес биыл «Ихсан» іліміне ерекше көңіл бөлініп жатыр. Бұл рухани тәрбие жолы – ата-бабамыздың асыл мұрасы. Біз бұл іліммен тереңірек танысып, бағалай білуіміз қажет. Осыған орай, Байзақ ауданының  имамдары тарапынан көптеген мақалалар жазылып, онлайн дәрістер өткізіліп жатыр», дей келе «Ихсан» ілімінің мән-маңызы туралы насихат айтты.

Кездесу соңында, әйелдер жамағаты рухани танымдық баяндамасы үшін бас имам Қанат Әділханұлына алғыстарын айтты.