Тараз қаласындағы Һибатулла Тарази медресесіне өңір мешіттерінің имамдары тарапынан ұшыр ( яғни , ауыл шаруашылық өнімдерінің зекеті ) берілді. Бұл игі іс - дін қызметкерлерінің білім ордаларына деген қамқорлығы мен қолдауының айқын көрінісі болды.

   Имамдар медресе шәкірттерінің діни білім алуына , оқу орнының тұрмыс  -тіршілігіне қолдау білдіру мақсатында ауылшаруашылық өнімдері мен азық - түлік түрінде ұшыр тапсырып , сауапты іске атсалысты.

   Медресе ұжымы өз кезегінде имамдарға ризашылығын білдіріп , бұл амалдың садақа және зекет істерінің қоғамдағы рухани маңызын арттыратынын атап өтті.

   Медресе директоры өз сөзінде : “ Ұшыр беру - Исламдағы сауапты амалдардың бірі. Бұл - бір жағынан мұқтажға көмек , екінші жағынан діни білімнің дамуына қосылған үлес. Осындай қолдаулар шәкірттердің сапалы білім алуына мүмкіндік береді  ,” - деп атап өтті.

   Шара соңында имамдар мен шәкірттер бірге дұға жасап , елімізге амандық , береке және игілік тіледі.