Талдыбұлақ ауылы «Шәкір» мешітінде жамағатқа «Дін мен дәстүр» тақырыбында тағылымды насихат айтылды. Жиынды мешіттің имамы Жабыкбайев Еркебұлан  жүргізіп, қазақ халқының салт-дәстүрі мен ислам дінінің өзара үйлесімділігі туралы кеңінен түсіндірме жасады.

Насихат барысында имам қазақы тәрбиенің қайнар көзі – иман, әдеп, ынсап, ұят, қайырымдылық және үлкенге құрмет, кішіге ізет көрсету сынды қасиеттердің ислам дінімен тығыз байланысты екенін атап өтті. Сонымен бірге, ата-бабаларымыз ғасырлар бойы дінді дәстүрімен сабақтастыра сақтап келгенін, сол арқылы рухани тұтастық пен ұлт бірлігін қалыптастырғанын жеткізді.

Мешіт тарапынан осындай рухани ағартушылық шаралар алдағы уақытта да жүйелі түрде жалғасын табатын болады.

Меркі аудандық «Меркі ата» мешітінің баспасөз қызметі