Тұғыры биік, тәуелсіз еліміздің ең үлкен жетістіктерінің бірі – ұлтаралық және конфессияаралық келісімнің нығаюы, халқымыздың бірлігі, түрлі ұлт пен ұлыс өкілдерінің, сан алуан діндер мен көзқарастардың өзара түсіністік пен төзімділік танытуы.

Астанадан арнайы келген қонақтарды аудан әкімдігінің ішкі саясат бөлімінің басшысы Қабылтай Таңат дін қызметкерлеріне таныстырды. Кездесу барысында ауданның бас имамы Егізбаев Әлмұханбет дін қызметкерлерінің жалпы атқарып жатқан жұмыстары туралы баяндап, әрбір имамның қызметін жеке-жеке таныстырды.

Іссапардың негізгі мақсаты – өңірдің дін саласындағы өзекті мәселелерін зерделеу және жергілікті жауапты құрылымдарға діни ахуалды талдау бойынша әдістемелік көмек көрсету болып табылады. Ел бірлігін нығайтуға бағытталған бұл игі кездесу өз нәтижесін беріп, баянды болсын!

Аудандық «Қордай» мешіті баспасөз қызметі