А.Саъди: «Көркем қарыз – жақсы істер мен адал табыстан жұмсалған садақалар. Өз иелігіндегі нәрсені бір Алланың разылығы үшін садақа ету – Аллаға берілген көркем қарыз іспеттес.

Алла Тағала оны құлына еселеп қайтарады», – деген. Осы игі амалға орай Қордай ауданы, Жамбыл ауылындағы «Ал Хафиз» мешітінде айлық дәстүрлі дастархан жайылды. Жамағат бір дастархан басына жиналып, бауырмалдық пен мейірімнің үлгісін көрсетті.

Шара барысында аудандық «Қордай» мешітінің наиб имамы Жанұзақ Әнебеков ғибратты насихат айтып, жиналған көпшілікті рухани әсерге бөледі. Алланы еске алатын орындар мен жамағаттар көбейе берсін! Жаратушысын танып, бойұсынған құлдардан болуды Алла баршамызға нәсіп етсін!

Аудандық «Қордай» мешіті баспасөз қызметі