Шу ауданының «Жәми» мешітінің әйел-қыздар секторының ұйымдастыруымен аудан көлемінде бала психологиясына арналған семинар өтті. Іс-шараға аяулы аналар мен ақжаулықты әже-апалар және ұстаздар белсене қатысты.

Семинарда арнайы ҚМДБ ұстазы және бала психологы Қасымова Анара сөз сөйлеп, бала тәрбиесіне қатысты маңызды тақырыптарды қозғады. Білікті маман ата-аналардың баламен қарым-қатынасындағы жауапкершілік, мейірім мен түсіністіктің рөлі туралы кеңінен әңгімелеп, психологиялық және рухани тұрғыда құнды мәліметтермен бөлісті.

Қатысушылар семинардан ерекше әсер алып, өздерінің бала тәрбиесіне деген көзқарастарын қайта қарап, пайдалы білім мен тәжірибе жинады.

Шу аудандық «Жәми» мешітінің баспасөз қызметі.