Жамбыл облысы Тұрар Рысқұлов аудандық «Сұлтан» орталық мешітінің ұстазы Шынали Айгерім мен өндірістік практикадан өткен Мариям және Карима атты Сарыағаш медресе колледжінің студенттерінің ұйымдастыруымен шәкірттерге тәж кигізілді.

Бұл шәкірттер муғалим сәни және тәжуид кітаптарын тәмәмдап, құранға түсіп, құран сүрелерін жаттауға кіріскені үшін тәж кигізу арқылы марапатталды. Сонымен қатар, шәкірттер рухани кеште түрлі діни викториналық сұрақтарға жауап дұрыс жауап берген шәкірттерге сыйлықтар табыс етілді. Іс-шараны өткізудегі мақсат мешіт шәкірттерін құран оқуға және жаттауға ынталандыру, құлшындыру болатын.

 Қуаныш Түзелбеков

Рысқұлов аудандық мешіттің баспасөз қызметі