Масаншы ауылындағы Қордай Қарилар даярлау орталығында ҚМДБ-ның Жамбыл облысы бойынша бас имамы Асқар Зәкіржанұлы қабылдау емтиханын өткізді.

Емтиханға облыстық «Һибатулла Тарази» мешітінің наиб имамдары Нұрлан Мұрат пен Бахтияр Амиреев те қатысып, шәкірттердің білім деңгейін бағалады. Үміткерлер Құран жаттау, тәджуид қағидаларын меңгеру және жалпы діни білім бойынша сыналды.

Бас имам Асқар Зәкіржанұлы шәкірттердің ынтасын жоғары бағалап, білім жолында табандылық танытуға шақырды. Сондай-ақ ұстаздардың еңбегіне алғыс айтып, алдағы оқу жылының сәтті өтуіне тілектестігін білдірді.

«Һибатулла Тарази» мешітінің баспасөз қызметі