Аудандық "Бәйдібек" мешітінің наиб имамы Азамат Балхожаев, Аса ауыл әкімшілігінің қызметкерлерімен "Діни экстремизм мен терроризмнің алдын алу" тақырыбында профилактикалық шара өткізді. Шарада діни экстремизм мен терроризмнің еліміздің болашағы жастардың санасына ықпалын талқылады.

Жастар арасында діни экстремизмнің алдын алу мәселесі ең алдымен әр отбасының, қоғамның және мемлекеттің жауапкершілігі шеңберінде түсіндірілді. Қазіргі таңда діни экстремизм мен терроризмнің таралуының өсіп келе жатқан сын-қатерлері халықаралық қоғамдастықтың алаңдаушылығын тудырады.

Діни экстремизм кең таралған әлеуметтік-саяси құбылыс ретінде қоғам өмірінің әр саласына өзінің кері әсерін тигізуімен ерекшеленуде. Мұның алдын алу үшін осындай шаралар мен кездесулер жиі өткізіп, қоғаммен, жастармен тығыз байланыс орнату маңызды болмақ.

Жамбыл аудандық орталық мешітінің баспасөз қызметі