Жамбыл облысы Байзақ ауданы Қосақ ауылдық «Қосақ» мешітінің имамы Мұхит Ермаханұлының ұйымдастыруымен мешіт жамағаты қазақтың дәстүрін насихаттау мақсатында арқан тарту ойынын ойнады.

  Ауыл имамы Мұхит Ермаханұлы мешіт жамағатына: «Қазақ халқының салт-дәстүрлері ата-бабаларымыздың тіршілік кәсібіне, наным-сеніміне, дүниетанымына орай туындап отырған. Оларды қоғамдағы атқаратын қызметіне қарай отбасылық және қауымдық-әлеуметтік дәстүрлер деп үлкен екі топқа бөлуге болады.

Отбасылық дәстүрлерге баланың дүниеге келуі, ер жетуі, тәрбиесі, келін түсіру, қыз ұзату, өлім-жітім мәселесі жатады.

Қоғамдық-әлеуметтік дәстүрлерге бүкіл ауыл болып өткізетін әдет-ғұрыптарды жатқызуға болады. Мысалы, наурыз мерекесі, діни мейрамдар, ас беру, бәйге ұйымдастыру, т.б.», - деп «Қазақтың дәстүрлері» тақырыбында насихат айтты.