«Төле би» мешітінің имамы Талғат Кәрібайұлы ауыл жастарына арнап «Адал кәсіп» тақырыбында дөңгелек үстел ұйымдастырды. Кездесудің негізгі мақсаты – жастарды адал еңбекке, кәсіби ізденіске және жауапкершілікке баулу болды.

Шара барысында имам Құран Кәрім аяттары мен Пайғамбарымыздың (оған Алланың салауаты мен сәлемі болсын) хадистерінен мысалдар келтіріп, адал кәсіптің – берекенің бастауы әрі құлшылықтың бір түрі екендігін атап өтті.

Білікті дін маманы өз сөзінде «Таза нәрселерден жеңдер және ізгі іс істеңдер», – деп бұйырған. Аятта бірінші адал нәрседен жеуіміз бұйырылып, кейін ізгі іс жасау турасында айтылған. Өйткені адал ризық, адам бойынан ізгі істің көрініс табуына себепші болады» - деді.

Жиынға қатысқан жастар адал еңбек пен кәсіптің артықшылықтары жөнінде ой бөлісіп, еңбекқорлық пен ізденістің қоғамға да, жеке өмірге де пайдасы зор екенін түсінді.

Шу аудандық «Жәми» мешітінің баспасөз қызметі.