Жауғаш батыр ауылдық мешітінің имамы Қосаев Мұрат отан алдындағы борышын өтеп жүрген сарбаздармен кездесіп, «Отанды қорғау – парыз» тақырыбында тағылымды насихат айтты. Кездесу барысында ол Құран Кәрім мен хадистерде елді, жерді қорғаудың маңыздылығы айрықша аталғанын атап өтті.

Әрбір мұсылман үшін туған жерін, елін қорғау – үлкен жауапкершілік әрі сауапты іс. Өйткені Отан – Алланың бізге берген аманаты. Елді қорғау – имандылықтың, ерліктің және азаматтықтың айғағы.

Сонымен қатар, ол сарбаздарды адалдыққа, ерлікке, тәртіп пен төзімділікке шақырып, олардың қызметіне сәттілік тіледі. Сарбаздар да имамға ризашылығын білдіріп, насихаттан рухани қуат алғандарын жеткізді.

Меркі аудандық «Меркі ата» мешітінің баспасөз қызметі