Бесағаш ауылы, "Бесағаш" мешітінің молдасы Айтжан Керимов келген жамағатқа "Жат ағымнан аулақ болу" тақырыбында насихат айтты. Алла Тағала Құранда: "Алланың дініне жармасыңдар да, бөлінбеңдер" деген аятына түсіндірме жасап, өзге ағымның келтірген зардаптарының бірі қоғамдағы ұйып отырған мұсылмандарды бөлу, үй ішінен үй тігу жақсылыққа апарар жол емес екендігі айтылды.

Керісінше бірігетін болсақ адасудан да, айналамызды түрлі зиянды нәрселерден аулақ ұстауға, Пайғамбарымыздың шынайы үмметі болуға жол ашылатындығы насихатталды. Бір-бірімен айтысу, сөз таластыру, білмеген нәрселерге кірісу шынайы шариғаттың меңзеген нәрселерінен тыс нәрсе екендігіне тоқталды.