Тараз қаласындағы «Ар-Рахман Ар-Рахим» мешітінде ұстаз Зора Айдарованың жетекшілігімен әйелдер секторында тәджуид ережелерінен сынақ ұйымдастырылды. Бұл шара қатысушылардың Құранды дұрыс оқуға деген ынтасын арттырып, білімдерін тереңдетуге сеп болды.

Іс-шара барысында шәкірттер Құран оқуындағы ережелерді тәжірибеде қолдану арқылы өз дайындықтарын сынап көрді. Бұл олардың діни білімге деген құштарлығын арттырып, рухани дамуына серпін берді.

Сахих әл-Бухариде келген хадисте: «Кім Құранды дұрыс оқыса, қос сауап алады» – делінген. Осы хадис тәджуид ережелерін сақтаудың, қасиетті Құранды әдемі әрі дұрыс оқуға ұмтылудың маңызын тағы бір мәрте айқындай түсті.

Тараз қалалық «Әулие ата» мешітінің баспасөз қызметі.