«Дарқан дала» жобасы аясында Шу ауданының ақсақалдары аудан әкімшілігінің қолдауымен еліміздің киелі орындарына – Арыстанбаб пен Түркістандағы Қожа Ахмет Ясауи кесенесіне зиарат етті.

Зиарат барысында «Жиенбет Жексенбай» мешітінің имамы Шүкірәлі Бердібеков сапардың тәртібі мен маңызы жөнінде насихат айтты. Ол дін мен дәстүрді сабақтастыра отырып, бұл сапарды пайдалы әрі мазмұнды өткізуге басшылық жасады. Қасиетті Мәуліт мерекесіне орай Арыстанбаб кесенесінде Пайғамбарымызға (оған Алланың салауаты мен сәлемі болсын) салауат айтылып, Мәуліт жыры оқылды.

Шараға қатысқан ақсақалдар мен қонақтар рухани серпін алып, Әулиенің шарапатын тілеп, ұйымдастыруға атсалысқан аудан ардагерлер кеңесінің төрағасы Ержан Көрікбайұлына алғыстарын білдірді.

Шу аудандық «Жәми» мешітінің баспасөз қызметі.