«Хаджи Тамаль» мешітінде қайырымдылық шарасы ұйымдастырылды. Кәсіпкер азаматтың демеушілігімен әлеуметтік жағдайы төмен 9 отбасыға азық-түлік таратылып, тұрмысына қолдау көрсетілді.

Игі іске жалпы 300 000 теңге қаражат жұмсалды. Бұл бастама жомарттық пен қамқорлықтың үлгісін көрсетіп, жамағаттың бірлігін арттыра түсті.

Көмек алған жандар мешіт ұжымы мен демеуші азаматқа алғыстарын білдіріп, ақ баталарын берді.

Тараз қалалық «Әулие ата» мешітінің баспасөз қызметі.