«Ән-Нағим» мешітінде «Исламдағы көркем мінез» тақырыбында уағыз-насихат айтылды. Шараға ұстаз Айнұр Мусабекова қатысып, келген аналар мен шәкірттерге көркем мінездің адам бойындағы ең асыл қасиет екендігін түсіндірді. Ол – Ислам дінінің маңызды тіректерінің бірі екендігіне ерекше тоқталды.

Уағыз барысында адам өзінің жағымсыз қылықтарын түзеп, өзін-өзі тәрбиелеу арқылы көркем мінезге қол жеткізетіні айтылды. Сондай-ақ пайғамбарымыз Мұхаммедтің (оған Алланың салауаты мен сәлемі болсын) хадисінде: «Мүміндердің иман тұрғысынан ең кемелі – мінезі көркем болғаны» деген өсиетіне сүйене отырып, көркем мінезге жетудің жолдары атап өтілді. Олар: үнемі дұғада болу, Құранды көп оқу, Пайғамбар өмірін үйрену, салихалы адамдармен дос болу.

Шара соңында қатысушылар ұстазға алғыстарын білдіріп, өз тілектерін жеткізді. Бұл кездесудің аналар мен шәкірттердің рухани дамуына үлкен серпін бергені сөзсіз.

Тараз қалалық «Әулие ата» мешітінің баспасөз қызметі.