Қадірлі жамағат!

Сіздерді барша қазақстандықтар үшін айрықша мәнге ие мереке – Қазақстан Республикасының Конституциясы күнімен шын жүректен құттықтаймын!

Ата Заңымыз – мемлекетіміздің алтын қазығы, елдігіміздің берік іргетасы. Конституцияда халқымыздың арман-тілегі тоғысып, тәуелсіз елдің болашағы айқындалды. Ол – құқықтар мен бостандықтардың кепілі, татулық пен тұрақтылықтың негізі.

Қасиетті дінімізде әділет пен заңға бағыну – мұсылманның басты міндеттерінің бірі. Ардақты Пайғамбарымыздың (с.ғ.с.) хадисінде: «Әрбіріңіз – басшысыз және әрбіріңіз қарамағыңыздағы үшін жауаптысыз» деген өнегелі өсиеті бар. Ендеше, Ата Заңға құрмет – мемлекетке адалдықтың, елге деген сүйіспеншіліктің белгісі.

Осы мерейлі мерекеде баршаңызға мықты денсаулық, шаңырақтарыңызға береке-бірлік, елімізге амандық пен ынтымақ тілеймін. Тәуелсіздігіміз тұғырлы, мемлекетіміздің мәртебесі асқақ болсын!

Ізгі ниетпен,
Қазақстан мұсылмандары діни басқармасының
Жамбыл облысы бойынша бас имамы
Асқар Зәкіржанұлы