Қазақстан мұсылмандары діни басқармасының төрағасы Наурызбай қажы Тағанұлы Қарағанды облысы Осакаровка аудандық мешіттің ашылуына қатысты.

«Исламда мешіт ұғымы – өте кең, әрі ауқымды мағынаны қамтиды. Мұсылмандарға құлшылық орны болуымен қатар, ол қоғамның руханиятын сақтаушы рухани орталық болып табылады.

Мешіт – жекелей адамның тап болған мәселелерін шешуге, әрі қоғам арасындағы бірлік пен бейбітшіліктің, ынтымақтың сақталуына негізгі себеп болатын орын. Бұлай айтуымыздың себебі – қазақ қоғамында қалыптасқан, дінмен ұштасқан ғұрыпқа сай адам өміріне қатысты басты діни рәсімдердің барлығы мешітте орындалады» - деді Наурызбай қажы Тағанұлы.

Айта кетейік, екі мұнаралы және бір күмбезді жаңа мешіт мың адамға арналған. Мешіт екі қабаттан тұрады. Мешіт ішінде имамның бөлмесі, әйелдер залы, кітапхана бар.