Шу ауданының орталық “Жәми” мешітінде өкіл имам Асқар Сатылғанов жұма уағызын жүргізді. Ислам және отбасы құндылықтары жылы аясында өткен уағыз “Құрметтің шыңы – ата-анаға ілтипат” тақырыбына арналды. Онда әкені, ананы қалау, сыйлау және құрметтеу мәселелері кеңінен сөз болды.

Дін маманы: “Имам әл-Қуртуби бұл аятты өзінің тәпсірінде: «Алла Тағала Өзiне ғана құлшылық етіп, Оны жалғыз деп тануды бұйырды. Сондай-ақ ата-ананы құрметтеуді осы әмірмен бірге атап көрсетті. Ата-анаға алғыс білдіруді Өзiне шүкіршілік етумен қатар қойды», – деп түсіндіреді,” – дей келе, қасиетті аяттардан мысалдар келтіріп, ата-ананы қадірлеудің дініміздегі ерекше орнына тоқталды.

Шу аудандық “Жәми” мешітінің баспасөз қызметі.