‎Сарысу ауданы, Байқадам ауылындағы Майлыбай мешітінде бүгінде ауқымды күрделі жөндеу жұмыстары қарқынды жүргізіліп жатыр. Бұл мешіт — ауылдың рухани орталығы, жамағаттың құлшылық ордасы. Жөндеу жұмыстары басталғалы бері мешіттің ішкі және сыртқы келбетін жаңарту, инженерлік жүйелерін толықтай ретке келтіру, абаттандыру шаралары қолға алынған.

‎Жоба аясында мешіт қабырғалары қайта өңделіп, едендер жаңартылады, жылу жүйелері жаңғыртылады. Мұның бәрі — жамағаттың құлшылықты жайлы әрі толық ыңғайлы жағдайда орындауы үшін.

‎Мешіттің жаңаруы — тек ғимаратты жөндеу емес, бұл — ауылдың рухани тынысын жандандыратын, жамағаттың ынтымағын арттыратын қадам. Жөндеу жұмыстарына ауыл азаматтары, кәсіпкерлер және жомарт жандар атсалысуда.

‎Алла Тағала осы жұмысты берекелі етіп, ойдағыдай аяқтауды нәсіп етсін. Жаңарған Майлыбай мешіті жамағатқа ұзақ жылдар қызмет ететін нұрлы орда болғай!