Меркі ауданы, Қостоған ауылы «Ботбай баба» мешітінің жамағаты жұма намазынан кейін ақ дастарқан басында бас қосты.

Жиын барысында ауыл имамы Омаралиев Қуанышбай жамағатқа ауызбіршілік туралы әсерлі насихат айтты. Уағыз барысында ол қоғамдағы татулық пен ынтымақтың маңыздылығына ерекше тоқталып, жамағатты бірлікке, кешірімге және өзара сыйластыққа шақырды.

Имам өз сөзінде Құран аяттары мен хадистерге сүйене отырып, мұсылман қауымының бірлікте болуы — дініміздің басты талаптарының бірі екенін атап өтіп: «Ауылымыздың тыныштығы мен берекесі – өзара татулық пен ауызбіршілікке байланысты. Бір-бірімізге мейірімді болып, өсек пен күншілдіктен аулақ болайық» ,– деді имам.

Мешітке жиналған жамағат имамның сөзіне ықыласпен құлақ асып, насихаттың жүректеріне жеткенін айтып, уағыздан кейін жылы пікірлерін білдірді.

Насихат соңында жамағатқа арнайы дұға жасалып, Алладан ел амандығы мен жүректерге мейірім, жамағатқа бірлік пен береке тіленді.

Меркі аудандық  «Меркі ата» мешітінің баспасөз қызметі