Қостоған ауылы «Ботбай баба» мешітінің асханасында өткен рухани отырыстақа жиналған жамағатқа тағылымды насихат айтылды. Жиын барысында ауданның бас имамы  Азамат Берікұлы сөз сөйлеп, білімнің артықшылығы мен маңыздылығы туралы терең ой қозғады.

Бас имам өз сөзінде білім жайында қасиетті Құран Кәрімнің аяттарынан сыр шертіп, Пайғамбарымыз Мұхаммедтің (Алланың салауаты мен сәлемі болсын) хадистерін мысал келтіріп, білім ізденудің мұсылман үшін парыз екенін еске салды.

Жиналған жамағат имамның сөзіне ұйып тыңдап, өзара пікір алмасып, жастарды, жамағатты оқуға, ізденуге, пайдалы білім жолында жүруге шақырды. Ас соңында ел бірлігі мен елдің болашағы – жастардың көреген, білімді болуын тілеп, дұға жасалды.

Бұл жүздесу ауыл жамағатына рухани серпін беріп, білім мен тәрбие жайлы терең ой тастады.

Меркі аудандық «Меркі ата» мешітінің баспасөз қызметі