Аудан бас имамы Азамат Берікұлы Қостоған ауылы «Ботбай баба» мешітінде жұма насихатын айтып, жұма намазын жүргізді.

Бас имам «Қожа Ахмет Яссауи және оның хәл ілімі» тақырыбында жұма уағызын жүргізіп: «Ясауи хикметтерінің түп төркіні – адамның жүрек дүниесін, ішкі рухани жағдайын тәрбиелеуге негізделеді. Ардақты Пайғамбарымыз (оған Алланың салауаты мен сәлемі болсын) хадисінде:

 «Ақиқатында, Алла Тағала сендердің келбеттеріңе, мал-мүліктеріңе қарамайды. Алайда жүректеріңе және амалдарыңа қарайды», – деген Сондықтан Ясауи ілімін тану – тарихты тану ғана емес, өз болмысымызға үңілу. Бұл ұлттың рухани тамырына оралу, жүректі иманмен тәрбиелеу, сөзі мен ісі жарасқан парасатты қоғамға қадам басу.», - деп жамағатқа насихат айтты.

Жұма намазы аяқталған соң, бас имам «Ботбай баба» мешітінің имамына  ізгі тілегін білдіріп, діни білім алып жүрген жамағатқа алғыс айтып, басқа да ауыл тұрғындарын білім алға, Құран үйренуге шақырды.

Алла Тағала баршамызға Қожа Ахмет Ясауи бабамыздың жолын терең түсініп, оны жүрекпен қабылдап, өмірімізге шынайы өнеге етіп алуды нәсіп етсін!

Меркі аудандық «Меркі ата» мешітінің баспасөз қызметі