Меркі аудан, Қостоған ауылы «Ботбай баба»  мешітінде рухани қуанышқа толы ерекше шара өтті.

Игі шара барысында жамағатқа Құран оқудың сауабы мен маңызы насихатталды. Жаз мезгілінде мешітке келіп, қасиетті Құранды оқып  үйреніп, сүре жаттаған, әрбір адамға марапат ретінде Құран кітабы сыйға тартылды.

Өз кезегінде ұстаз Еламан Бақытханұлы: «Құран – Алланың сөзі. Пайғамбарымыз: «Сендердің ең жақсыларың Құранды үйреніп, оны үйреткендерің», - деген. Кім Құран үйренсе – ол екі дүниеде де құрметке ие болады.Құранға өмірі байланған адамның Алла Тағала дәрежесін көтеріп қояды. Бұл – үлкен сауапты амал», – деп жамағатты Құран оқып үйренуге, білім алуға шақырды.

Іс-шара соңында жамағат Аллаға шүкір айтып, игі бастаманың жалғасын табуына тілектестігін білдіріп, осы шараны ұйымдастырған жомарт жандарға, ауыл имамына ризашылықтарын жеткізіп, осындай рухани шараның жастардың имандылыққа бет бұруына ықпалы зор екенін айтты.

Бұл шара – Құранға деген құрметтің, рухани тәрбиенің, әрі жамағат арасындағы ынтымақ пен берекенің көрінісі болды.

Меркі аудандық «Меркі ата» мешітінің баспасөз қызметі