Меркі аудандық «Меркі ата» мешітінде имам-молдаларға «Ислам құқықтарының негіздері» – (Усул әл-фиқһ) бойынша маңызды дәріс өтті . Дәрісті елімізге белгілі ұстаз, ҚМДБ - ның Шариғат және пәтуа бөлімінің меңгерушісі, наиб мүфти Сансызбай Құрбанұлы Шоханов жүргізді.
Дәріс барысында келесі тақырыптар талқыланды: Усул әл-фиқһтің анықтамасы және оның ислам заңнамасындағы орны. Фиқһтің негізгі қайнар көздері: Құран, сүннет, ижма, және қияс. Шариғат заңдарын шығарудың әдістері. Әртүрлі мектептердің (мазһабтардың) Усул әл-фиқһке көзқарастары.
Сансызбай Құрбанұлы аса маңызды мәселелерді түсінікті түрде түсіндіріп, имамдар тарапынан қойылған сұрақтарға жауап берді.
Усул әл-фиқһ саласының мамандары келісе отырып берген анықтамасына тоқталсақ, олардың көзқарастары бойынша Усул әл-фиқһ деген: «Шариғат үкімдері сүйенетін қағидалар, пәтуа шығарылатын негіздер, ыждағаттылық пен үкім шығарудың сүйеніші және ақылмен басымырақ көзқарас заңнамалары. Демек, Ислам мазһабтарының заманауи пәтуаларына қазы және хақ Ислам дінінің шариғатынан алынып, орнатылған заңнамалар дерекнамасы (бұлағы)», – деген.
Түйіндей келе, Усул әл-фиқһ ілімінің: «Барлық нәрсені қамтыған сондай-ақ шариғи ішінара үкімдерді, тафсили (бір мәселеге арналған) шариғи мәтіндерден шығаруда қолданатын қағидалар жиынтығы». Сондай-ақ, сол үкімге жетелейтін қағидаларды үйретуші ғылым саласы.
Бұл дәріс имам-молдаларымызға ислам ғылымдарын тереңірек үйренуге өте пайдалы болды!
Меркі аудандық «Меркі ата» мешітінің баспасөз қызметі